Category Archives: 玩物雅致

十年法國經典菜

老實講句,香港咁貴租,一間餐廳可以有幾多個十年?La Table de Patrick,在本地法籍廚師Patrick Goubier帶領下,即將迎接十周年了,咁開心,當然趁機推出一個十周年套餐啦。如果你吃了這間餐廳有十年自久,恭喜你,不過無獎。 這五道菜的套餐包羅餐廳十道招牌菜式,頭盤可從「鵝肝三重奏」或「龍蝦濃湯」二選一,前者配以黑朱古力及橙醬品嘗,酸甜醒胃,中和鵝肝的膩滯感;龍蝦濃湯則配搭綿密的黑松露泡沫,令味道更添層次感。接下來可從兩道海鮮菜式中自選一款,包括「香煎北海道帶子」,鮮嫩的帶子伴以香滑的西洋菜醬和羊奶芝士泡沫,加上魚子醬點綴,鮮味十足;或可選擇「酸汁醃小龍蝦」,蝦肉爽甜酸香,配以粉紅西柚及茴芹,更添開胃。第三道菜式可選「煙燻鰻苗」或「暖蟹肉餡餅」,前者帶濃郁煙燻香,搭配茴香慕絲、mimolette 芝士及青豆白醬汁,清新不膩;暖烘烘奉上的蟹餅,入口嘗到啖啖蟹肉,伴以辣肉腸泡沫和口感幼滑的青口汁,配搭創新。 主菜方面,同樣提供兩個選擇,喜歡魚鮮的,可揀選「鮭鱒魚片」,伴以蘆筍、紅甜椒及兩款醬汁,口感清新輕盈。另一道「黑安格斯牛柳」,簡單淋上砵酒汁,軟嫩多汁,濃香惹味。迎接甜品前,只需加少少錢即可品嘗「雜錦法國手工芝士拼盤」,精選了法國芝士製造商 The Marchand Brothers 的多款手工芝士,各有風味。吃至尾聲,可選「紅桑子撻」或「暖朱古力蛋糕配香橙雪糕」作為甜點,前者配以紫蘇雪葩,清新解膩,作飯後甜點最適合不過。另外,餐廳亦提供佳釀配對,又係另外加錢,幫你配埋酒,不用想到頭痕,又可以喝到幾隻不同的酒,抵不抵,見人見志。 [...]

復活節Resort避世超短波

復活節最多香港人會做的活動是甚麼?不是玩Easter egg hunt,而係去拜山!為甚麼呢?因為不想正日同其他人迫?打工仔一族當然知道,今個月尾拿幾日假就可以放個長假期啦,不過假如你一家大細四五個,小朋友又係三四歲那種百厭到癲,同佢去長旅行是浪費的年齡(信我,你記得你三四歲的時候去過哪裡旅行嗎?),最合乎整個家庭效益的,是近近地找個Resort,將小朋友全部掉進去,然後同你老婆慢慢嘆。 Resort喎,香港附近有嗎?其實香港在大嶼山都有一個,不過呢,去得大嶼山,不如唔好去。其實過一過大海,在澳門路環黑沙馬路就有一間「鷺環海天度假酒店」可以讓你一家大細去避一避世。這間度假酒店的房間贏在每間客房都有一個面向南中國海、黑沙海灘路或路環國家公園的私人露臺,等你可以曬一曬太陽。 「咁D仔女點算?」你老婆已經急不及待的問。在3月25至 28日推出復活節兒童遊戲活動及創意製作坊,包括由著名葡萄牙藝術家 Sofia Arez授課的浮紋水畫班、奪蛋奇兵、手作復活節彩罐及復活小廚神等,即係話,交低小朋友給酒店的人,你就有個難得的二人世界(或一人世界,視乎你的另一半是否想對著你)。吃方面,他們在25到27號還有一個復活節野餐家庭樂(兩大兩細都係澳門幣 588 + 10%),和復活節澳葡燒烤早午餐,足不出酒店都無問題。 最緊要,老婆唔使點湊細路嘛! [...]

假如我老婆係劉心悠

這個問題,自她出道以來,我已經想過很多次,假如我老婆係劉心悠,我會好開心。 我想,有劉心悠做老婆,好多男人應該都會好開心,唔單止我。 原因不用說,她有著吸引香港男人的所有特點:漂亮、沒甚麼緋聞,台灣妹。 尤記得第一次我在攝影Studio,門鈴一響,立即走過去開門,門外的不是我將要拍攝的Model,而是剛電影「阿嫂」剛上畫,新鮮滾熱辣的劉心悠,時為2005年。 那次幫劉心悠開門,我開心到彈起。 男人,就係有這種自我膨脹同幻想,亦因為如此,我覺得《我老婆係明星》這套戲,好適合男人睇。 故事講述劉心悠飾演的臨記朱淇(哈哈!個名使唔使改到咁,哈哈哈哈)於影圈浮沉多年,一次意外竟被林德信飾演的電影公司老闆Jeff睇中,榮升賀歲片女主角。朱淇為了星途,當然要隱瞞已婚身份啦,而佢做娛記,周柏豪飾的老公賴毛(哈哈,改名改到咁明)為幫老婆圓夢,只好事事配合。隨著朱淇人氣急升,二人關係日漸疏離,賴毛只好潛入劇組監視老婆,卻竟發現朱淇與Jeff有曖昧關係!兩公婆因而吵大鑊……此時,娛圈再爆出朱淇已婚消息,雜誌老總(肯定唔係潮流教主)誓要賴毛查出到底係邊個同佢老婆結婚(嘩,好亂)!在事業與愛情的角力下,恩愛夫妻各自為了上位,點收科? 比著係我,我梗係收埋老婆啦!不過比著我有周柏豪咁既外形...Well,我都係揀劉心悠~~ [embedyt]https://www.youtube.com/watch?v=vDxW3iDGtX4[/embedyt] [...]

未睇先評 – 《賓虛》

這套根據盧華萊士不朽鉅著《賓虛:基督的故事》改編的電影,在幾十年前,是大製作,單是一場羅馬戰車追逐戰,已經睇到人熱血沸騰,男人的Man味出曬黎! 好了,現在它重拍了,由金像男星摩根費曼及洛治奧山圖路聯合演出,在今時今又電腦特技的存在之下,那些原先估唔到你點拍的鏡頭,當然我們現在知道係點「拍」的啦!不過睇《賓虛》這套電影,你要更深層欣賞的是其男人的努力精神,怎樣跌落地獄又折返人間,我估現代的人如果有睇過這套戲,抗壓能力會高好多。 它的故事講乜?這套史詩式鉅獻係,描述本來係貴族的賓虛(積赫斯頓 飾),被任職羅馬軍官的義兄馬生拉(杜比凱貝爾 飾)誣陷,搞到佢被褫奪貴族的身份,更要被流放作奴隸,人離響賤不突止,仲要同心上人以斯帖(娜莎蓮邦妮迪 飾)分離咁慘豬豬。經過多年在海上的艱苦奴隸生活(主要係撐船擔擔抬抬個隻),賓虛一次機緣巧合下能夠回到故鄉,佢一心復仇,但卻...卻乜呢?走左去食麥記(講笑) 之不過,正所謂「唔怕生壞命,最怕改壞名」,賓虛呢個名,係得得意的,你想想,當成班奴隸坐低休息,男主角在介紹自己:「你好,小弟賓虛...」 奴隸甲:「哦...咁你休息下啦...」 套戲八月中先上畫,笑住等啦,而我,應該會笑到九月尾。 文:黃董 #我無賓虛 #哈哈哈 #可以去荷里活做編劇 #佢地拍港產片的話 [embedyt]https://youtu.be/o39x8hVgbUA[/embedyt] [...]