Category Archives: 玩物雅致

未睇先評 – 《賓虛》

這套根據盧華萊士不朽鉅著《賓虛:基督的故事》改編的電影,在幾十年前,是大製作,單是一場羅馬戰車追逐戰,已經睇到人熱血沸騰,男人的Man味出曬黎! 好了,現在它重拍了,由金像男星摩根費曼及洛治奧山圖路聯合演出,在今時今又電腦特技的存在之下,那些原先估唔到你點拍的鏡頭,當然我們現在知道係點「拍」的啦!不過睇《賓虛》這套電影,你要更深層欣賞的是其男人的努力精神,怎樣跌落地獄又折返人間,我估現代的人如果有睇過這套戲,抗壓能力會高好多。 它的故事講乜?這套史詩式鉅獻係,描述本來係貴族的賓虛(積赫斯頓 飾),被任職羅馬軍官的義兄馬生拉(杜比凱貝爾 飾)誣陷,搞到佢被褫奪貴族的身份,更要被流放作奴隸,人離響賤不突止,仲要同心上人以斯帖(娜莎蓮邦妮迪 飾)分離咁慘豬豬。經過多年在海上的艱苦奴隸生活(主要係撐船擔擔抬抬個隻),賓虛一次機緣巧合下能夠回到故鄉,佢一心復仇,但卻...卻乜呢?走左去食麥記(講笑) 之不過,正所謂「唔怕生壞命,最怕改壞名」,賓虛呢個名,係得得意的,你想想,當成班奴隸坐低休息,男主角在介紹自己:「你好,小弟賓虛...」 奴隸甲:「哦...咁你休息下啦...」 套戲八月中先上畫,笑住等啦,而我,應該會笑到九月尾。 文:黃董 #我無賓虛 #哈哈哈 #可以去荷里活做編劇 #佢地拍港產片的話 [embedyt]https://youtu.be/o39x8hVgbUA[/embedyt] Service is always [...]

放箭又放毒,鷹眼1:6

《美國隊長3: 英雄內戰》4月28日在香港公映,你準備好了買票入場沒有?沒有的話,訂住Figure先啦,反正你搞店曬落訂買咁多個超級英雄,套戲應該做完,到你唔記得原來自己訂了Figure之後,佢地就陸陸續續出現,咁搞法,真係玩你成年,幾開心? Anyway,係漫畫迷都應該知道,《英雄內戰》中分了紅、藍兩大超級英雄陣營,連人地廣告都叫你Take your side,你會Take以「紅色陣營」為首的鐵甲奇俠定還是「藍色陣營」為首的美國隊長?唔確定嗎?藍營的鷹眼你又Like唔Like? 呢隻1:6的Hot Toys Figure你又Like唔Like? 在電影中,鷹眼憑著其超乎常人的銳利目光和驚人臂力,隨時弓人合一,屬百發百中殲滅敵人的超級英雄。為配合電影中鷹眼換上最新紫藍色戰鬥服的造型,Hot Toys精細塑造出高約30cm、具有逾30個關節的專用素體,結合一套造型獨特的全新戰鬥服,將戰鬥力再上一層的鷹眼,還原到1:6比例珍藏人偶身上。亦因鷹眼全新戰鬥服採用了右手為長袖、左手為露臂短袖的設計,所以Hot Toys團隊特別為他的右手臂配用了靈活性更高的雙關節系統,讓擺放拉弓放箭動作姿勢的可動性大為提升;而外露的左手臂,則保留了標準肌肉線條造型的隱藏式關節設計與可動關節結構,再於手臂上細緻塗裝上皮膚紋理,讓外露的強壯臂彎更富逼真觀感。 玩Figure梗係越多野玩越好,人偶配備了最新設計的大弓、16支獨立箭、11顆可替換箭頭和一個箭筒,豐富武器配件結合人偶百分百還完了角色在戰場上的完美英姿。此外,此人偶更會附有一個8mm超迷你蟻俠為特別配件,蟻俠騎在箭頭上的動態,似乎暗示了蟻俠將與鷹眼結盟同一陣線共同抗敵......喂,放毒還放毒,唔好劇透好喎! 作文:黃董 [...]