影評 :《PG戀愛指引》
February 24, 2016
好老實講,我去看這套電影,是因為被戲中大堆頭的女生吸引過去了,而且,我看的是首映,成場靚女陪我睇戲,這才是重點。電影名稱雖然有「戀愛指引」這四個字,不過,看完電影之後,我細心回味一下,Hey,騙人的!一D指引都見唔到,反而戲中每個女仔的戲都藏住男人欺騙女人的元素在內,我想,呢套戲個名,應該叫《PG呃女指引》先啱。 無錯,真係應該改呢個名,就好似以前《精裝追女仔》係列一樣,簡單直接易明,其實,你叫呢套戲做《精裝呃女仔》,效果可能仲好,更有叫座力都未定。我黃董在改名方面,真係No.1的。 簡單的說一下這套戲:故事透過六個女仔,以她們的不同際遇睇盡人生百態,講完。無錯,就係咁簡單。再補多一句,男人無個好人,除左阿Bob。 點解會係阿Bob?唔知呢,成套戲入面,阿Bob做到一個為了喜歡的人不惜一切去幫手,扶自己喜歡的女人一把的人。論演技,這套戲中阿Bob完勝,「車,咪又係TVB質素~~」你會懷疑,其實又唔係喎,佢飾演的Happy哥在戲中帶著一股「重佬味」,演出不溫不火恰到好處,老實講,成套戲最討好人的角色,要算係佢。咁岑日珈呢?佢做個唔貪錢的純情學生妹喎,Well,角色是很討好的,而且她的演技也不錯,不過呢,只可以說,佢唔夠阿Bob咁圓。 睇完成套戲,回到家中躺在床上,整晚想著的係,如果兩個只能揀一個,唔可以Why not both的話,你會揀Jumbo定崔碧珈? 作文 : 黃董 [...]