換油只需半個鐘 油站搞掂更輕鬆
21 Nov, 2018    By Jeremy Ng

換油只需半個鐘 油站搞掂更輕鬆

其實每部車揸咗一段時間,就需要幫佢做下保養,而更換機油就係其中一項重要嘅保養工作。小編部車從買入至今已經差唔多半年,都未親自做過保養,咁啱遇到Shell嘅邀請去體驗一下佢地嘅換油服務,於世就趁今次機會去學下嘢啦! 首先要提早預約換油服務,可以透過手機app或者電腦網上預約(預約網址: https://shellcarvenience.hk/booking/),輸入簡單資料同車型,以便油站準備好適合你部車嘅機油。然後你就可以根據預約嘅時間將部車揸去預約咗嘅油站喇! Shell全港共有15個指定油站設有換油中心。而小編今次去嘅馬鞍山油站係旗艦換油中心,除咗提供專業嘅快速換油、電腦或人手洗車、3M汽車美容等服務之外,仲有顧客休息室,務求為車主帶來煥然一新的油站服務體驗。

 

首先師傅會係車底將舊嘅機油放出,順便檢查舊有機油嘅污糟程度。

之後就會先倒入用作潔淨用途嘅油品,著一著車去清洗引擎內嘅殘留舊機油。

將清潔油品放出之後,就會添加全新嘅Shell機油。師傅會按照預約時所提供嘅車型資料去選擇合適你部車嘅機油。值得一提係所用嘅機油品牌係Shell自家嘅品牌的旗艦產品Helix Ultra超凡喜力機油,而且係香港製造。

換緊油同清洗引擎期間,師傅亦會為部車作10項重點檢查,例如機油、風隔、機油隔、迫力皮、軚油、水箱水、玻璃水、水撥膠邊、電池、胎壓及前後車燈,對於對車唔太熟悉的車主嚟講相當貼心。而小編部車嘅風隔就太污糟,所以即時換新,而Shell都有提供更換風隔服務。

師傅檢查緊胎壓,而且會檢查迫力皮有無需要更換,好彩小編部車都係無問題嘅。

如果對於汽車保養有任何問題,師傅都好樂意解答,例如師傅就教緊小編睇機油尺。

如果部車係比較新嘅型號,好多時都要重置返行車電腦有關更換機油嘅提示設定。Shell亦會係更換機油之後重設返換油提示。

如果無小編咁八卦去睇師傅做嘢,都可以選擇去休息室嘆住冷氣睇下雜誌,有需要可以去埋洗手間,都乾淨企理。

最後可以洗埋部車,Shell油站不時都會有唔同嘅優惠,有時換完油會送埋電腦洗車服務,有興趣可以問一問職員了解下。

馬鞍山油站仲有一個特別貼心嘅服務,就係車主可以一次過購買大容量嘅機油,剩低嘅可以交畀油站代為保存,特別係部分車型可能一大支機油都唔夠,但倒埋第二支又用唔曬,咁就可以保留係油站,下次先用埋佢。

座駕完成換油之後,引擎噪音有明顯的減少,而且加速比換前順暢了不少。

其實換油都只不過用咗約20分鐘,連同洗車,這個過程只需35分鐘。Shell油站換油嘅優點,就係服務收費透明清晰,無「海鮮價」,而且過程快捷,唔駛擺低部車一至兩日,亦更加唔駛擔心無車用。等待期間有休息室嘆冷氣慢慢等,換完油亦可以入埋油,有時亦會推出優惠,換油會送油券,如果無相熟車房,Shell換油服務的確係一個唔錯嘅選擇。