前衛嘻皮

保羅愛足球

前衛嘻皮

想當年 2008 歐洲國家盃同 2010 年世界盃,德國 Oberhausen 水族館內飼養的一隻八爪魚保羅 (Paul Oktopus) 因為能準確預測球賽賽果而聲名大噪! 其實鍾意足球嘅又點止八爪魚界嘅「保羅」,時裝界的「保羅」— 著名英國時裝設計師 Sir Paul Smith 一樣出咗名係足球迷。而係 2018 年俄羅斯世界盃揭幕前夕,佢就同運動品牌 New Balance 合作打造咗一個限量聯乘足球及運動鞋系列。

今次聯乘足球系列入面最矚目的單品當然數整個印上 Paul Smith 經典條紋印花的 New Balance Destroy 系列足球,該款足球更獲 FIFA 國際足協最高質量認證 (FIFA Quality Pro),另外亦有 Mini 版本的足球,同樣搶眼,卻更具玩味! 要踢波除咗要有個「波」亦要有「波 boot」,聯乘足球系列中還有一對 New Balance x Paul Smith MiUK-One 足球鞋,純白色鞋身配上鮮橙色鞋底、縫線細節,另外再於後跟位置加上 Paul Smith 招牌條紋。不得不提係 MiUK-One 足球鞋係 New Balance 首個係英國 Flimby 工廠生產的足球鞋,別具意義。

雖然足球狂熱席捲全城,不過阿「保羅爵士」都有特別照顧「唔係球迷」,在聯乘系列中加入了一款 Paul Smith X New Balance 576 Trainer 男裝運動鞋, 延續了 NB “Made in England” 系列一貫的高水準工藝,整個鞋身以黑色袋鼠皮革打造,並特意在後跟及兩側 New Balance “N” 字標誌的後方以及內裡鞋墊加入 Paul Smith 條紋印花。

講個秘密你知……今次聯乘系列係亞洲只得香港「獨家」發售,今日 (6 月 6日) 起於尖沙咀海港城 Paul Smith 專門店限量開售!

Paul Smith
地址:尖沙咀海港城海洋中心 1 樓 133 店舖
電話:2730 7622






JMEN推薦