「轉」出新風範

從細細個鍾意「轉筆」,到睇《賭神》學識轉戒指,再到大個買座  The Swinging Sticks  放係書檯做擺設,有人就解釋呢啲「轉動」有令人放鬆、幫助思考或者提升專注力嘅作用 (咁究竟係邊樣?) 。而我則純粹覺得有啲嘢轉下轉下令我「感覺良好」!

講開「轉」,Piaget  伯爵 Possession 系列面世超過  25  年,憑著獨特旋轉式圓環設計成為品牌其中一個經典系列,可惜過去系列入面嘅男士配飾僅限於戒指,終於,伯爵今季為 Possession 系列加入一款男裝白金手鐲。手鐲設計簡約純粹,兩端裝飾了系列的「招牌」活動圓環。除可單獨佩戴外,呢款手鐲亦可配搭今年誕生 60 周年嘅超薄經典 Piaget Altiplano 系列腕錶,或去年重新打造,設計「圓中帶方」的枕形設計 Piaget Polo S 腕錶,無論係西裝正裝造型定係休閒造型都難佢唔到。新奇、有型、有得「轉」,重唔係一次過滿足晒三個願望!







JMEN推薦