風流慢活

石原 BB 婚前最後寫真

風流慢活

憑日劇《朝 5 晚 9》同《校對女王》人氣爆燈,兼成為唔少男性「夢想女友」/「女神」嘅石原里美將於 9 月 1 日推出全新寫真集《Encourage》,以紀念踏入 30 歲及入行 15 周年雙重意義!!!

女神對上一次推出嘅寫真集已經係 2011 年嘅《moi-モア-》,所以今次石原里美特別與拍攝團隊遠赴古巴取景拍攝,有唔少靚相更係於海灘拍攝!

而最近一直盛傳石原里美即將會同緋聞男友,日劇《朝 5 晚 9》拍擋山下智久宣布婚訊!雖然雙方未曾就呢個傳聞作出回應,不過唔少粉絲包括小編已經「打定輸數」並視《Encourage》將會係石原 BB 最後嘅一本寫真集!

睇番幾張出版社率先發放嘅寫真集相片,已經登上一線女星行列嘅石原里美未有過份「封胸」,健康酥胸、濕髮、睡眼惺忪嘅靚相應有盡有,男粉絲應該都「收貨」……不過今次新寫真最大賣點就係「自然美」,事關大部份相片石原 BB 均以「素顏」示人,展示 30 歲依然保養甚佳嘅靚樣同狀態!!!




JMEN推薦