前衛嘻皮

帥哥齊集倫敦男裝周

前衛嘻皮

雖然同米蘭、巴黎比較,倫敦男裝周嘅「星光」一向相對「暗淡」,不過係「貴精不貴多」嘅策略下,兩位大中華帥哥其實已經夠晒撐起大局!

好似「小天」阮經天就應邀出席 COACH 2017 春夏倫敦男裝周發佈會,成為大中華區唯一男星代表。穿上格紋襯衫搭配 COACH 經典黑色皮革外套,腳踏筒靴的「小天」,再度展現久違了的名模帥氣,佢重走入 backstage 同品牌創意總監 Stuart Vevers 合照留念。


另一邊廂,陳師奶、黃師奶、張師奶都鍾意嘅《琅琊榜》「麒麟才子」胡歌亦現身倫敦。原來今次胡歌擔任「上海旅遊形象大使」,特別出席於倫敦舉行嘅 2016 「魅力上海」城市形象推廣系列活動中,當日胡歌身穿 Emporio Armani 2016/ 2017 秋冬系列貼花淺灰色中式領外套,搭配深灰色長褲,型格一 D 都唔輸比天橋上嘅男模㗎!



JMEN推薦