玩物雅致

齊齊爭做「荔園車神」

玩物雅致

大家都應該收到風,荔園今年暑假將移師至亞洲國際博覽館舉行,遠就無疑係遠咗,但另一方面地方大咗,自然可容納更多設施和遊戲。對於一眾「湊仔公」同「好男友」(好可惜佢地只能玩「盞鬼碰碰車」)以外的男性,今年荔園的最大,亦都係唯一嘅吸引力就係設有全港首個電動高卡車車場「 XRace」。

呢個電動高卡車車場位於亞洲國際博覽館旁,車場佔地約 8,000 平方米,賽道全長 650 米,時速最快為每小時 50 公里,讓入場人士一嘗車手的刺激體驗,大會係新聞稿中提到「賽道由米高舒密加的賽道設計師 Michael Kolbinger 所設計」,小編就唔係好知大會講緊邊條「米高舒密加的賽道」,做完一輪 research,估計較有可能係指「車神」曾經授權或投資一個位於德國 Sindorf 的「Michael Schumacher Kart Center」,而另一位 “Michael” 可能有份設計中心內之賽道。講番呢個荔園內的電動高卡車車場,會由來自德國的專業電動高卡車團隊營運,再配合香港專業高卡車場的顧問團隊,以確保活動的安全。而所使用的高卡車將會係由德國引入的名牌 RiMO 全新電動高卡車,為市面上最高端、最高性能及最高安全性的電動高卡車。而大會更將設下圈速「龍虎榜」,為所有參加者紀錄圈速,係整個活動中做出最快圈速的「XRace 車神」,將會獲得之後係香港舉辦的 Formula E 分站賽門票兩張。

XRace 電動高卡車開放時間為早上 11 時至晚上 8 時(星期一至四);早上 10時至晚上 8 時(星期五至日),要提一提就係電動高卡車並不包括於入場套票內,好處就係你可以唔使入荔園,齋入去片車都得!每位入場票價為港幣 $280,XRace 整個體驗歷時 45 分鐘,流程包括登記、安全訓練課堂、穿戴安全裝備及駕駛體驗,駕駛體驗歷時 8 分鐘,而整個駕駛體驗時間均與是次營運的德國專業電動高卡車團隊及香港專業高卡車場顧問團隊建議制定。大會將於 6 月 1 日開始特設有網上預售套票及電動高卡車門票。




[embedyt]https://www.youtube.com/watch?v=Xh2mFq6_dzM[/embedyt]

JMEN推薦